4月10日 阿哥低醣減肥Cycle 2 : Day 3

星期六放假我同阿哥嘅共...

4月10日 阿哥低醣減肥Cycle 2 : Day 3

星期六放假我同阿哥嘅共識就係大家瞓到安樂醒直接skip咗早餐🥣一來可以瞓晏啲，二來變相做咗輕斷食，尋日阿哥下晝要見客所以中午佢自己食出面食蒸魚走飯。
.
不過阿哥話佢下晝因為要見客要搵個地方hea所以去咗麥當勞食咗個下午茶🍔佢仲要食咗最新嗰個新餐肉漢堡，佢以為食素健康啲，我同佢澄清返其實所有加工嘅嘢都唔健康，尤其是係嗰塊素餐肉，佢為咗要令到呢塊素餐肉同真餐肉相似，加咗好多色素同埋人工味道落去，而且佢本身含有好多油，之前我食過一次，一邊煎佢一邊標啲油出嚟，而且食完滯咗好耐，我就知道加工嘅嘢果然唔係咁健康，事實上好多素食係加工嘅，所以唔好以為食素就係好健康，好似我前幾日去咗食素食自助餐，食完嗰晚勁口渴相信好多味精，而且飽飽滯滯第二日都唔係好想食嘢，所以如果想食素又健康可以嘅話都要揀食原形嘅蔬果，因為呢個低醣減肥法着重要食原形最raw嘅食物，所以嗰塊加工素餐肉正正抵觸左呢個低醣減肥法。雖然我都明白有時候工作關係真係要搵地方Hea又要有啲嘢幫襯，如果真係要去麥當勞可以選擇佢嘅沙律或者粟米杯，甚至乎佢嘅炸雞都🍗你只要搣走佢嘅炸皮淨係食入面嘅雞肉都叫做食原型嘅食物呀😉
.
阿哥表示明白了，不過我都安撫佢唔使擔心，晚上只要飲返一個蕃茄雜菜湯同埋飲返多啲水咁就冇事㗎啦，果然阿哥今朝一早上磅完全冇事，仲瘦咗少少添，事實證明的確唔使擔心，有咗第一階段嘅根基, 間唔中迫於無奈cheat day以外再cheat一兩餐都唔會太影響㗎😊當然如果你個人自制力欠佳，你當以上嘅嘢冇聽過啦🤣🤣🤣

有興趣知道更多低醣減肥嘅話快啲加入我嘅MeWe低醣減肥群組啦👇🏻👇🏻
Link in bio

https://mewe.com/join/easy_way_for_lo...

💁🏻‍♂️ 順手加埋我個MeWe 專頁 「為食小樂 」Foodie_siulok

https://mewe.com/p/%25E7%2582%25BA%25...人

---